காரைக்குடி: கோட்டையூர் பேரூராட்சியில் உள்ள அழகாபுரி சக்தி நகரில் அமைந்துள்ள ஸ்ரீ கோடிலிங்கேஸ்வரர் ஆலயத்தின் மகா அபிஷேக விழா நேற்று நடந்தது.

அழகாபுரி சக்தி நகரில், தமிழகத்திலேயே முதன்முறையாக ஒரு கோடியே 8 லிங்கங்கள் கொண்டு கோடிலிங்கேஸ்வரர் ஆலயம் அமைக்கப்பட்டுள்ளது. இக்கோயிலின் மகா அபிஷேக விழா நேற்று  நடந்தது. விழாவில் முன்னாள் நீதிபதி சொக்கலிங்கம் தலைமையேற்று பேசினார். பழனி பாதயாத்திரை குருநாதர் பழனியப்பன் குழந்தை கவிஞர் செல்ல கணபதி, தேனப்பன் வாழ்த்தினார். தேவகோட்டை  ராமநாதன், குமார் விழாவை வர்ணனை செய்தனர். ஆலயத்தின் நிர்வாகிகள் வைரம் அழகப்பன் மற்றும் டிரஸ்ட் உறுப்பினர்கள் சாய்பாபா பக்தர்கள் குழுவினர் ஏற்பாடுகளை செய்திருந்தனர். முன்னதாக  கவிஞர் மீனா தமிழரசி முத்து வீரப்பன் வரவேற்றனர்.