மேட்டுப்பாளையம்: காரமடை அரங்கநாதர் கோவிலில், புரட்டாசி சனிக்கிழமை விழா துவங்கியது.

கோவை மாவட்டத்தில், வைணவ ஸ்தலத்தில் சிறந்தது, காரமடை அரங்கநாதர் கோவில். இங்கு புரட்டாசி சனிக்கிழமை விழா விமரிசையாக நடைபெறும். புரட்டாசி மாதத்தில் வரும் சனிக்கிழமைகளில், பக்தர்கள் விரதம் இருந்து, தாசர்களுக்கு படையலிட்டு, பெருமாளை வழிபட்டு செல்வது வழக்கம். இந்த ஆண்டு புரட்டாசி மாத முதல் சனிக்கிழமை விழா, இன்று துவங்கியது. அதிகாலை, 4:00 மணிக்கு கோவில் நடை திறந்து, சிறப்பு பூஜைகள் நடை்பெற்றது. முதல் சனிக்கிழமை என்பதால், ஏராளமான பக்தர்கள் கோவிலுக்கு வருவர். கோவில் முன்பு தாசர்கள் உட்கார ஏற்பாடுகள் செய்யப்பட்டுள்ளன. விழா ஏற்பாடுகளை செயல் அலுவலர், ஊழியர்கள், அர்ச்சகர்கள் செய்து வருகின்றனர்.