திருப்புத்தூர்: திருப்புத்தூர் பூமாயி அம்மன் கோயிலில் நவராத்திரி விழா செப்.26 ல் துவங்குகிறது.

இக்கோயிலில் 32ம் ஆண்டாக நவராத்திரி விழா கொண்டாடப்படுகிறது. செப் 26ல் அம்மன் ராஜராஜேஸ்வரி அலங்காரத்தில் அருள்பாலிக்கிறார்.மாலையில் லட்சார்ச்சனை நடைபெறும். தொடர்ந்து தினசரி மாலை லட்சார்ச்சனை நடைபெறும். 2ம் நாள் தெய்வானைத்திருக்கல்யாண அலங்காரம், மாலையில் திருவிளக்கு பூஜை நடைபெறும். தொடர்ந்து மீனாட்சி அம்மன், ஊஞ்சல், சமயபுரம் மாரியம்மன், பள்ளி கொண்ட பெருமாள், சூரியனார், மகிஷாசூரமர்த்தினி, சிவ பூஜை அலங்காரங்கள் அம்மனுக்கு நடைபெறும். அக்.5ல் இரவில் குதிரை வாகனத்தில் அம்மன் எழுந்தருளி உலா வந்து அம்பு எய்தல் நடைபெறும். ஏற்பாட்டினை பூமாயி அம்மன் பூச்சொரிதல் விழாக்குழுவினர் செய்கின்றனர்.