ராமேஸ்வரம்: ராமேஸ்வரம் ராமநாதசுவாமி கோயிலில் உண்டியல் காணிக்கையாக ரூ. 1.56 கோடி கிடைத்தது.

ராமேஸ்வரம் கோயிலில் 30 நாட்களுக்குப் பின் நேற்று சுவாமி, அம்மன் மற்றும் பஞ்சமூர்த்திகள் சன்னதி முன்புள்ள உண்டியல்கள் கோயில் துணை ஆணையர் மாரியப்பன் முன்னிலையில் திறக்கப்பட்டு, காணிக்கைகளை சேகரித்தனர். பின் கோயில் கல்யாண மண்டபத்தில் காணிக்கையை எண்ணினர். இதில் ரொக்க பணம் ரூ. 1 கோடி, 56 லட்சத்து, 44 லட்சத்து, 686 ரூபாயும், தங்கம் 45 கிராம், வெள்ளி 560 கிராம் காணிக்கையாக கிடைத்தது. காணிக்கை எண்ணும் பணியில் கோயில் உதவி கோட்ட பொறியாளர் மயில்வாகனன், கண்காணிப்பாளர் பாலசுப்பிரமணியன், பேஸ்கார்கள் கமலநாதன், செல்லம், அண்ணாதுரை, கோயில் ஊழியர்கள் பலர் பங்கேற்றனர்.