கடலாடி: கடலாடி தேவர் மகாசபைக்கு பாத்தியப்பட்ட ராஜராஜேஸ்வரி அம்மன் கோயிலில் 5ம் ஆண்டு வருடாபிஷேக விழா, பசும்பொன் முத்துராமலிங்கத் தேவர் 115 வது ஜெயந்தி விழா, 60 வது குருபூஜை விழா மற்றும் 34 ம் ஆண்டு முளைப்பாரி உற்ஸவ விழா நடந்து வருகிறது. கடந்த அக். 18 அன்று காப்பு கட்டுதல் மற்றும் கொடி ஏற்றுதலுடன் விழா துவங்கியது. முத்து பரப்பும் நிகழ்ச்சி நடந்தது. இரவில் வீரபாண்டிய கட்டபொம்மன் நாடகம் நடந்தது.

தொடர்ந்து பத்து நாட்களும் பல்வேறு கலை நிகழ்ச்சிகளும், விளக்கு பூஜை, அன்னதானம், வள்ளி திருமண நாடகம் உள்ளிட்டவைகள் நடக்கிறது. வருகிற அக். 25, 26 அன்று அக்னி சட்டி, முளைப்பாரி ஊர்வலம், பொங்கல் வைத்தல், விளையாட்டுப் போட்டிகள் உள்ளிட்டவைகள் நடக்கிறது. வருகிற அக்.27 அன்று பெரிய மாடு, நடுமாடு, சின்ன மாடு ஆகிய பிரிவுகளின் கீழ் மாட்டு வண்டி பந்தயம் நடக்க உள்ளது. ஏற்பாடுகளை கடலாடி நகர் தேவர் மகாசபை மற்றும் இளைஞர் அணியினர் செய்து வருகின்றனர்.