திருப்பதி: திருமலை ஏழுமலையான் கோவிலில், நேற்று அதிகாலை வைகுண்ட ஏகாதசியை முன்னிட்டு வைகுண்ட வாசல் திறக்கப்பட்டது. இதில் ஆயிரக்கணக்கான பக்தர்கள் பங்கேற்றனர். திருமலை ஏழுமலையான் கோவிலில், ஆண்டுதோறும் வைகுண்ட ஏகாதசியை முன்னிட்டு வைகுண்டவாசல் திறக்கப்படுவது வழக்கம்.

இதன்படி, நேற்று வைகுண்ட ஏகாதசிக்காக, ஏழுமலையான் கோவிலில் வைகுண்ட வாசல் அதிகாலையில் திறக்கப்பட்டது. இந்த வாசல் வழியாக செல்ல, திருமலையில் ஆயிரக்கணக்கான பக்தர்கள் திருமலையில் திரண்டனர். இந்தாண்டு ஆங்கில புத்தாண்டு தினத்திற்கு மறுநாள் வைகுண்டவாசல் திறக்கப்பட்டதால், தரிசனம் செய்ய பக்தர்கள் பலர் போட்டியிட்டனர். ஆனால் டிக்கெட் முன்பதிவு செய்த வர்களுக்கே, தேவஸ்தானம் அனுமதி வழங்கியது. நேற்று காலை 9:00 மணிக்கு தங்கதேர் வலம் நடை பெற்றது. ஸ்ரீதேவி – பூதேவி சமேத மலையப்பஸ்வாமி, ஏழுமலையான் கோவில் மாடவீதியில் தங்கதேரில் எழுந்தருளி சேவை சாதித்தார். பெண்கள் பூஜைகள் செய்து, தங்கதேரை வடம் பிடித்து இழுத்து துவக்கி வைத்தனர். இதில், தேவஸ்தானஅதிகாரிகள் பல ரும்பங்கேற்று, தேரை வட ம் பிடித்து இழுத்தனர். வைகுண்ட ஏகாதசியை முன்னிட்டு, திருமலை பலவண்ண மலர்களாலும், மின்விளக்குகளாலும் அலங்கரிக்கப்பட்டது. கோவில் அருகில் ஏற்படுத்தப்பட்டபாற்கடலில் அமைக்கப்பட்ட லட்சுமி நாராயணர் அலங்காரத்தை, பக்தர்கள் தரிசித்து வணங்கினர்.