கீழச்சிவல்பட்டி: திருப்புத்தூர் அருகே கீழச்சிவல்பட்டியில் ஸ்ரீ மீனாட்சி சுந்தரேஸ்வரர் தேவஸ்தான கோயில் கும்பாபிஷேகம் ஜன.26 ல் நடைபெறுகிறது.

கீழச்சிவல்பட்டி மற்றும் பி. அழகாபுரி பகுதி இரத்தின மகுட தனவைசியராகிய நாட்டுக்கோட்டை நகரத்தார்கள் கோயிலான இங்கு தற்போது திருப்பணி நடந்து கும்பாபிஷேகம் நடைபெற உள்ளது. யாகசாலை பூஜைகள் ஜன.23 ல் காலை 6:00 மணிக்கு துவங்குகிறது. மாலையில் முதல் கால யாகபூஜையும், மறுநாள் 2, 3, ம் கால யாகபூஜைகளும் நடைபெறும். ஜன. 25ல் 4, 5 ம் கால யாக பூஜைகள் நடைபெறும். ஜன.26 ல் காலை 5:00 மணிக்கு 6 ம் கால யாகபூஜை நடந்து பூர்ணாகுதி ஆகி காலை 8:30 மணிக்கு கடம் புறப்பாடாகும். தொடர்ந்து காலை 9:52 - 11:10 மணிகள் விமான, ராஜகோபுர , பரிவார மூலஸ்தானங்களில் கும்பாபிஷேகம் நடைபெறும். மாலையில் திருக்கல்யாணமும், இரவில் ஏழு பெருங்கடவுளர் திருவீதி உலாவும் நடைபெறும். யாகசாலை நடைபெறும் நாட்களில் ஆன்மீக சொற்பொழிவு, பாடல், பட்டிமன்றம், இசை, நாட்டிய நிகழ்ச்சிகள் நடைபெறும்.