செஞ்சி: செஞ்சி கிருஷ்ணாபுரம் சுப்பிரமணியர் கோவிலில் தைப்பூச விழா கொடியேற்றத்துடன் துவங்கியது. செஞ்சி கிருஷ்ணாபுரம் சுப்பிரமணியர் கோவில் 43ம் ஆண்டு தைப்பூச விழா அடுத்த மாதம் 5ம் தேதி நடக்க உள்ளது. இதை முன்னிட்டு நேற்று காலை 10.30 மணிக்கு கொடியேற்றம் நடந்தது. விநாயகர், வள்ளி தெய்வானை சமேத முருகப்பெருமானுக்கு 108 திரவியங்களால் சிறப்பு அபிஷேகமும் மற்றும் சிறப்பு வேள்வியும் நடந்தது. வள்ளி தெய்வானை சுப்பிரமணியருக்கு சிறப்பு அலங்காரமும் மகா தீபாராதனையும், கொடியேற்றமும் நடந்தது. தொடர்ந்து நேர்த்தி கடன் செலுத்த உள்ள பக்தர்கள் மாலை அணிதும், காப்பு கட்டியும் விரதம் துவக்கினர். பூஜைகளை திருமுருகன் சுவாமிகள் நடத்தினார். இதில் இதில் திரளான பக்தர்கள் கலந்து கொண்டனர்.