பழநி: பழநி முருகன் கோயிலில் உப கோவிலான கிழக்கு ரத வீதி மாரியம்மன் கோயில் மாசித் திருவிழா, மூகூர்த்த கால் ஊன்றுதலுடன் துவங்கியது.

பழநி, மாரியம்மன் கோயில் மாசித் திருவிழா நேற்று (பிப்,.17ல்) மூகூர்த்த கால் இரவு 8:25 மணிக்கு நடுதலுடன் துவங்கியது. பிப்.,21 ல் திருக் கம்பம் தயாரிக்க காணியாளர் அரிவாள் எடுத்து கொடுக்கும் நிகழ்ச்சி மாலை 6:30 மணிக்கு மேல் நடக்கும். அதைத் தொடர்ந்து கம்பம் தயார் செய்யப்படும். அதன்பின் கம்பம் ஊர்வலமாக கொண்டுவரப்பட்டு வையாபுரி கண்மாய், அரசமரத்து வினாயகர் கோயில் படித்துறையில் அலங்கரிக்கப்படும். அதன் பின் மாரியம்மன் கோயில் முன் கம்பம் நடப்படும். சிறப்பு அபிஷேகம் பூஜை நடைபெற்றது. பக்தர்கள், கம்பத்திற்கு பால், பன்னீர், உள்ளிட்ட பொருட்களால் அபிஷேகம் செய்வர். பிப்., 28 அன்று கொடியேற்றம், கம்பத்தில் பூவோடு வைத்தல் நடைபெறும். அதன்பின் மார்ச்.,7 ல் மாலை 6:40 மணிக்கு மேல் திருக்கல்யாணமும், மார்ச்.,8 ல் தேரோட்டமும் நடைபெறும். மார்ச்.,9 கொடியிறக்கத்துடன் விழா நிறைவடையும். மூகூர்த்தகால் நடுதல் நிகழ்ச்சியில் கோயில் இணை ஆணையர் நடராஜன், துணை ஆணையர் பிரகாஷ் உற்பட பலர் கலந்து கொண்டனர்.