ஊட்டி: பந்தலூர் அருகே பொன்னானி மாரியம்மன் கோவில் மகா கும்பாபிஷேக விழா 26 ஆம் தேதி காலை நடைபெற உள்ளது. இதற்கு யாகசாலை காப்பு கட்டுதல் மற்றும் கணபதி ஹோமம் கோவில் கமிட்டியினருக்கு காப்பு கட்டும் நிகழ்ச்சி, கோவில் தர்மகர்த்தா மாரிமுத்து தலைமையில் நடந்தது. அதிகாலை 5:00 மணிக்கு அர்ச்சகர்கள் பரமசிவம், ராஜா தலைமையிலான குழுவினர் கணபதி ஹோமம் நடத்தினார்கள். கிராம ஒற்றுமைக்காகவும், மக்கள் நோயின்றி வாழவும், இயற்கையை பாதுகாக்கவும் சிறப்பு யாகம் செய்யப்பட்டது. தொடர்ந்து யாகசாலைக்கு காப்பு கட்டப்பட்டது. மேலும் கோவில் கமிட்டியினர் மற்றும் நிர்வாகிகளுக்கு காப்பு கட்டப்பட்டது. தொடர்ந்து சிறப்பு பூஜை செய்யப்பட்டது. நிகழ்ச்சியில் கோவில் கமிட்டி நிர்வாகிகள் சேகர், நிஷார், கலை உள்ளிட்ட நிர்வாகிகள் மற்றும் பொதுமக்கள் பங்கேற்றனர்.