சதுர்வேதமங்கலம்: சிங்கம்புணரி அருகே சதுர்வேதமங்கலம் ஆத்மநாயகி ருத்ரகோடீஸ்வரர் கோயில் மாசிமகத் திருவிழா கொடியேற்றத்துடன் தொடங்கியது.

குன்றக்குடி ஆதீனத்திற்குட்பட்ட இக்கோயிலின் மாசிமகத்திருவிழா இன்று கொடியேற்றத்துடன் தொடங்கியது. இதையொட்டி காலை 10:30 மணிக்கு சிறப்பு வழிபாடு நடத்தப்பட்டது. கிராம மக்கள் முன்னிலையில் சிவாச்சாரியார்கள் கொடிமரத்தில் ரிஷப கொடியேற்றினர். 10 நாள் திருவிழாவின் ஒவ்வொரு நாளும் சுவாமி வெவ்வேறு வாகனங்களில் வீதியுலா வருவார். மார்ச்.1ம் தேதி காலை 9:30 மணிக்கு ஆத்மநாயகி அம்பாள் ருத்ரகோடீஸ்வரருக்கு திருக்கல்யாணம் நடக்கிறது. மார்ச். 2 ல் கழுவன் திருவிழாவும், மார்ச்.5ல் தேரோட்டமும் நடக்கிறது. திருவிழாவின் கடைசி நாளான மார்ச். 6ம் தேதி தீர்த்தவாரி உற்சவம் நடக்கிறது. இதற்கிடையில் கோயிலில் இருந்து 3 கி.மீ., தூரமுள்ள அரளிப்பாறை கோயிலுக்கு மயில் வாகனத்தில் பாலதண்டாயுதபாணி எழுந்தருளினார். அங்கும் கொடியேற்றப்பட்டு திருவிழா துவங்கியது.