திருப்புல்லாணி: திருப்புல்லாணி அருகே நைனாமரைக்கான் ஊராட்சிக்குட்பட்ட சக்திபுரத்தில் உள்ள இருளப்பசாமி கோயிலில் கும்பாபிஷேகம் நடந்தது. கடந்த மார்ச் 9 அன்று முதல் காலை யாகசாலை பூஜையுடன் விழா துவங்கியது. இன்று காலை 6:30 மணி அளவில் கோபூஜை, சூரிய நமஸ்காரம், நாடி சந்தனம், யாகசாலை பூஜை, யாத்ரா தானம், பூர்ணாகுதி உள்ளிட்டவைகள் நடந்தது. காலை 10:00 மணியளவில் இருளப்பசாமி கோயில் விமான கலசத்தில் ஸ்ரீராமன் ஐயங்கார் தலைமையிலான குழுவினர் புனித நீர் ஊற்றி கும்பாபிஷேகம் செய்தனர். மூலவருக்கு சிறப்பு அபிஷேக ஆராதனைகள் நடந்தது. பக்தர்களுக்கு அன்னதானம் வழங்கப்பட்டது. ஏற்பாடுகளை குலதெய்வ குடிமக்கள் மற்றும் சக்திபுரம் கிராம பொதுமக்கள் செய்திருந்தனர்.