காரைக்குடி: காரைக்குடி மீனாட்சிபுரத்தில் உள்ள முத்துமாரியம்மன் கோயில், 67 வது மாசி பங்குனி திருவிழா மார்ச் 14 ஆம் தேதி , கொடியேற்றத்துடன் தொடங்குகிறது. அன்று காப்பு கட்டும் நிகழ்ச்சியும் நடைபெறுகிறது. மார்ச் 21 ஆம் தேதி கோயில் கரகம், மது, முளைப்பாரி எடுக்கும் நிகழ்ச்சி நடக்கிறது. மார்ச் 22 ஆம் தேதி காலை முக்கிய திருவிழாவான காவடி, பால்குடம் எடுக்கும் நிகழ்ச்சியும் பூக்குழி இறங்கும் நிகழ்ச்சியும் நடைபெறுகிறது. நேற்று மாலை, முத்து மாரியம்மன் கோயிலில் சுமங்கலி பூஜை நடந்தது. சுமங்கலி பூஜையில், சுற்றுவட்டாரத்தை சேர்ந்த ஏராளமான பெண்கள் கலந்து கொண்டனர்.