சபரிமலை: பங்குனி மாத பூஜைகளுக்காக சபரிமலை நடை இன்று மாலை திறந்தது. வரும் 19ம் தேதி வரை பூஜைகள் நடைபெறும். இன்று மாலை 5:00 மணிக்கு மேல்சாந்தி ஜெயராமன் நம்பூதிரி நடை திறந்து தீபம் ஏற்றிய பின்னர் 18 படிகள் வழியாக சென்று ஆழி குண்டத்தில் நெருப்பு வளர்த்தார். பின்னர் பக்தர்கள் தரிசனத்துக்கு அனுமதிக்கப்பட்டனர். இரவு 10:00 மணிக்கு நடை அடைக்கப்படும். நாளை அதிகாலை 5:00 மணிக்கு நடை திறந்ததும் தந்திரி கண்டரரு மகேஷ் மோகனரரு அபிஷேகம் நடத்திய பின்னர் நெய்யபிஷேகத்தை தொடங்கி வைப்பார். பின்னர் கணபதி ேஹாமம் உள்ளிட்ட பூஜைகள் நடைபெறும். வரும் 19–ம் தேதி இரவு 10:00 மணிக்கு நடை அடைக்கும். எல்லா நாட்களிலும் வழக்கமான உஷபூஜை, கலசாபிஷேகம், களபாபிஷேகம், உச்சபூஜை, தீபாராதனை, புஷ்பாபிஷேகம், அத்தாழபூஜை ஆகியவற்றுடன், காலை முதல் மாலை வரை உதயஸ்தமனபூஜை, இரவு 7:00 மணிக்கு படிபூஜை நடைபெறும்.