கோபால்பட்டி: கோபால்பட்டி அருகே செடிப்பட்டி ஆத்து மாரியம்மன் கோவில் திருவிழாவில் சிறுவர்கள் முதல் பக்தர்கள் தீச்சட்டி எடுத்து நேர்த்திக்கடன் செலுத்தினர்.

விழாவையொட்டி கடந்த மார்ச் 12 கிராம தெய்வங்களுக்கு பழம் வைத்தல் மற்றும் புனித நீராடி ஆத்து மாரியம்மன் கோவிலில் பக்தர்கள் காப்பு கட்டுதலுடன் திருவிழா தொடங்கியது. தொடர்ந்து தோரண மரம் ஊன்றுதல், தினமும் அம்மனுக்கு சிறப்பு அபிஷேக அலங்கார ஆராதனை பூஜைகள் நடந்தது. திருவிழாவின் முக்கிய நிகழ்வாக இன்று பக்தர்கள் மஞ்சள் ஆடை அணிந்து கோவில் வீட்டிலிருந்து தீச்சட்டி எடுத்து அரோகரா கோஷத்துடன் முக்கிய வீதிகள் வழியாக வந்து ஆத்து மாரியம்மன் கோவிலில் ஸ்தாபிதம் செய்தனர். தொடர்ந்து அம்மனுக்கு பல வண்ண மலர்களால் அலங்காரம் செய்யப்பட்டு சிறப்பு பூஜைகள் நடந்தது. பக்தர்கள் பொங்கல் வைத்து கிடாய் வெட்டுதல் நடந்தது. இரவு கிராமிய கலை நிகழ்ச்சிகள் நடந்தது. நாளை காலை அம்மனுக்கு மஞ்சள் நீராட்டுத்துடன் திருவிழா நிறைவு பெறுகிறது. இவ்விழாவிற்கான ஏற்பாடுகளை கிராம மக்கள் மற்றும் கோவில் அறக்காவலர் பூசாரிகள் சக்தி, முருகன், கணேசன், கார்த்திசாமி, கிருஷ்ணமூர்த்தி உள்ளிட்டோர் செய்திருந்தனர்.