திருப்பூர்: நல்லுார் ஸ்ரீவிஸ்வேஸ்வர சுவாமி கோவில், கும்பாபிஷேக மண்டலாபிஷேக பூஜைகள் நேற்றுடன் நிறைவடைந்தது. ஹிந்து சமய அறநிலையத்துறை பராமரிப்பில் உள்ள, நல்லுார் ஸ்ரீவிஸ்வேஸ்வர சுவாமி, விசாலாட்சியம்மன், சுப்பிரமணிய சுவாமி கோவில் கும்பாபிஷேகம் நடந்தது. தொடர்ந்து, தினமும், மண்டலாபிஷேக பூஜைகள் நடந்து வந்தது. நேற்று மண்டலாபிஷேக நிறைவு பூஜைகள் நடந்தது. சுவாமிகளுக்கு, 108 சங்காபிஷேக பூஜைகள், மகா அபிஷேகம் மற்றும் சிறப்பு அலங்கார பூஜை, மகாதீபாராதனையுடன் விழா நிறைவு பெற்றது. பக்தர்களுக்கு அன்னதானம் வழங்கப்பட்டது. கோவில் நிர்வாகிகள், திருப்பணி கமிட்டியினர் மற்றும் பக்தர்கள் திரளாக பங்கேற்றனர்.