ஸ்ரீவில்லிபுத்தூர்: ஸ்ரீவில்லிபுத்தூர் ஆண்டாள் கோயிலில் உபய திருமஞ்சனம் செய்து, அக்கார அடிசில் சமர்பித்து கர்நாடக எதுகிரி எத்திராஜா ராமானுஜ ஜீயர் சுவாமிகள் சிறப்பு வழிபாடு செய்தார். நேற்று காலை ஆண்டாள் கோயிலில் விஸ்வரூப தரிசனம், காலை 10:00 மணிக்கு மேல் உபய திருமஞ்சனம் நடந்தது. பின்னர் வெள்ளிக்கிழமை குறடு மண்டபத்தில் எழுந்தருளிய ஆண்டாள், ரங்க மன்னார் முன்பு, 100 தடாக்களில் அக்காரா அடிசில் சமர்ப்பித்து தரிசனம் செய்தார். விழாவில் ஏராளமான உள்ளூர் பக்தர்களும், கர்நாடக மாநில பக்தர்களும் பங்கேற்றனர்.