மேலுார்: மேலுார், சொக்கம்பட்டி தொட்டிச்சி அம்மன் கோயில் 66 வது ஆண்டு பங்குனி திருவிழா நடைபெற்றது. இதில் எல்லா வளமும் வேண்டி கிடைக்க பெற்ற பக்தர்கள் மேலுார் மெயின் ரோட்டில் உள்ள பிள்ளையார் கோயிலில் இருந்து ஊர்வலமாக பால்குடம் எடுத்தும், தீச்சட்டி ஏந்தியும், 12 அடி நீளமுள்ள அலகு குத்தியும் ஊர்வலமாக வந்து கோயிலை வந்தடைந்தனர். அங்கு அம்மனுக்கு பாலாபிஷேகம் நடைபெற்றது. அதனைத் தொடர்ந்து அம்மனுக்கு கிடா வெட்டி பொங்கல் வைத்தனர். இதில் மேலுார்,சொக்கம்பட்டி உள்ளிட்ட பகுதிகளை சேர்ந்த ஏராளமான பக்தர்கள் கலந்து கொண்டனர். இதே போல் நாவினிப்பட்டி காவேரியம்மன், கூத்தப்பன்பட்டி காவேரியம்மன் கோயிலில் பங்குனி திருவிழாவை முன்னிட்டு பக்தர்கள் நேர்த்திக்கடன் செலுத்தினர்.