திருப்புத்தூர்: திருப்புத்தூர் அருகே பட்டமங்கலம் மீனாட்சி சுந்தரேஸ்வரர், தட்சிணாமூர்த்தி கோயிலில் குருப்பெயர்ச்சியை முன்னிட்டு நேற்று சிறப்பு ேஹாமம் நடந்தது.

குருப்பெயர்ச்சி ஏப்.22 ல் இரவு 11.29 மணிக்கு மீன ராசியிலிருந்து மேஷ ராசிக்கு மாறுகிறது. அதை முன்னிட்டு குரு தலமான தட்சிணாமூர்த்தி கோயிலில் நேற்று சிறப்பு ஹோமத்துடன் வழிபாடு நடந்தது. நேற்று காலை 8:30 மணிக்கு தட்சிணாமூர்த்தி மூலவருக்கு அபிேஷக, ஆராதனைகள் நடந்தது. வெள்ளிக்கவசம் அணிந்து சந்தனக்காப்பு அலங்காரத்தில் அருள்பாலித்தார். தொடர்ந்து விக்னேஸ்வர பூஜைகளுடன் யாகசாலை பூஜைகள் துவங்கியது. தொடர்ந்து சிவாச்சார்யர்களால் சிறப்பு ேஹாமம் நடந்தது. பூர்ணாகுதி தீபாராதனை நடந்து யாகசாலையிலிருந்து கலசங்கள் புறப்பாடாகி மூலவருக்கு அபிஷேகம், ஆராதனைகள் நடந்தன. மேலும் நேற்று காலை பாலாலயம், நடந்து மருந்து சார்த்தி பிரதிஷ்டை செய்யப்பட்ட ஸ்ரீ விநாயகருக்கும் அபிஷேகம் நடந்தது. பின்னர் சிறப்பு பூஜை நடந்து பக்தர்களுக்கு விபூதி வழங்கப்பட்டது. ஏற்பாட்டினை பரம்பரை அறங்காவலர் அ.வீர.அ.வீரப்பச்செட்டியார் செய்தார்.