வாடிப்பட்டி: வாடிப்பட்டி ரயில்வே ஸ்டேஷன் அருகே உள்ள சொக்கையா சுவாமிகள் மடத்தில் 84வது ஆண்டு குருபூஜை விழா நடந்தது. இதையொட்டி விநாயகர் வழிபாடு, கோ, கலச பூஜை, 108 சங்காபிஷேகத்தை தொடர்ந்து சுவாமிக்கு 14 வகை மூலிகை அபிஷேகம் நடந்தது. விநாயகர், பாலதண்டாயுதபாணி, சொக்கையா சுவாமிக்கு புஷ்ப அலங்காரம், அர்ச்சனை, ஆராதனைகளை வரதராஜ பண்டிட் செய்தார். பக்தர்களுக்கு அன்னதானம் வழங்கப்பட்டது. ஏற்பாடுகளை சுவாமி மடத்தின் நிர்வாக தலைவர் மணிகண்டன் மற்றும் நிர்வாகிகள் செய்தனர்.