பழநி: பழநியில் சித்ரா பௌர்ணமி முன்னிட்டு வெள்ளி தேரோட்டம் நடைபெற்று, சித்திரை திருவிழா நிறைவு பெற்றது.

பழநி, மலைகோயில் நிர்வாகத்தின் கட்டுப்பாட்டில் உள்ள லட்சுமி நாராயண பெருமாள் கோயிலில் சித்திரை திருவிழா ஏப்.26-ல் கொடியேற்றத்துடன் துவங்கியது. சிம்ம வாகனம், சேஷ வாகனம், மரசப்பரம், அனுமார் வாகனம், தங்க குதிரை வாகனங்களில் வாகனங்களில் சுவாமி புறப்பாடு நடைபெற்றது. மே.,2 ல் திருக்கல்யாண உற்ஸவம் நடந்தது. மே.4ல் திருத்தேரோட்டம் நடந்தது. நேற்று (மே.,5) வரை பத்து நாட்கள் சித்திரை திருவிழா நடந்து நிறைவு பெற்றது. சித்ரா பவுர்ணமியை முன்னிட்டு மே.4.,ல் பெரியநாயகிஅம்மன் கோயிலில் வள்ளி, தெய்வானை, முத்துக்குமாரசுவாமி எழுந்தருளினார். நேற்று (மே.5.,ல்) பெரியநாயகி அம்மன் கோவில் இருந்து 108 பால்குடங்கள், திருஆவினன்குடி கோயிலுக்கு எடுத்து வரப்பட்டது. குழந்தை வேலாயுத சுவாமிக்கு சிறப்பு அபிஷேகம் நடைபெற்றது. இதில் கந்தவிலாஸ் செல்வகுமார், கண்காணிப்பாளர் அழகர்சாமி கலந்து கொண்டனர். இரவு வெள்ளிரதத்தில் வள்ளி, தெய்வானை, முத்துக்குமாரசுவாமி திருஉலா, ரதவீதியில் நடைபெற்றது. கோயில் இணை ஆணையர் நடராஜன் அறிவுருத்தல் படி, வெள்ளி தேரோட்டம், சித்திரை திருவிழா உற்ஸவம் நடந்தது.