தென்தாமரைகுளம்: கன்னியாகுமரி பகவதி அம்மன் கோவிலில் 1008 திருவிளக்கு பூஜை நடந்தது. கன்னியாகுமரி விவேகானந்த கேந்திர கிராம முன்னேற்ற திட்டம் சார்பில் பெண்கள் மாநாடு மற்றும் ஆன்மிக சொற்பொழிவு நடந்தது. இதில் கன்னியாகுமரி விவேகானந்த கேந்திர மூத்த ஆயுட்கால ஊழியர் கிருஷ்ணமூர்த்தி, செயலாளர் அய்யப்பன் உட்பட பலர் பேசினர். பின்னர் பகவதி அம்மன் கோவில் வளாகத்தில் 1008 திருவிளக்கு பூஜை நடந்தது. விவேகானந்த கேந்திராவின் அகில பாரத துணை தலைவர் அனுமந்தராவ் முன்னிலையில் துணை தலைவர் நிவேதிதா குத்து விளக்கு ஏற்றி துவக்கி வைத்தார். கோவிலின் உட்பிரகாரம், வெளிப்பிரகாரம் ஆகிய இடங்களில் பெண்கள் திருவிளக்கு பூஜையை நடத்தினர்.