மதுரை; மதுரை மீனாட்சி அம்மன் கோயில் வைகாசி வசந்த உற்ஸவம் மே 24 முதல் ஜூன் 2 வரை நடக்கிறது. திருவிழா நாட்களில் தினமும் மீனாட்சி சுந்தரேஸ்வரர் பஞ்ச மூர்த்திகளுடன் மாலை 6:00 மணிக்கு கோயிலிலிருந்து புது மண்டபம் செல்வர். அங்கு பத்தியுலாத்துதல் தீபாராதனை முடிந்தும் நான்கு சித்திரை வீதி சுற்றி கோயிலுக்கு வருவர். ஜூன் 3 முதல் 5 வரை திருஞானசம்பந்தர் திருவிழாவும், ஜூன் 5 காலையில் திருஞானசம்பந்தர் தங்கப்பல்லக்கில் எழுந்தருளி 63 நாயன்மார்களின் நான்கு ஆவணி மூலவீதி புறப்பாடும் நடக்கிறது. அன்றிரவு 8:00 மணிக்கு திருஞானசம்பந்தர் வெள்ளி கோ ரதத்தில் எழுந்தருளி நான்கு ஆவணி மூல வீதிகளிலும் வலம் வருகிறார். மே 24 முதல் ஜூன் 5 வரை வைகாசி வசந்த உற்ஸவம் நடப்பதால் உபய தங்கரதம், உபயதிருக்கல்யாணம் கிடையாது.

திருவாதவூரில் திருவிழா: மீனாட்சி அம்மன் கோயிலின் உபகோயிலான திருமறைநாத சுவாமி கோயில் அமைந்துள்ள திருவாதவூரில் மாணிக்கவாசகர் பிறந்தார். இக்கோயிலின் வைகாசி பிரம்மோற்ஸவம் மே 23 முதல் ஜூன் 2 வரை நடக்கிறது. மே 28ல் பஞ்சமூர்த்திகளுடன் மேலுாருக்கு சுவாமி எழுந்தருளுகிறார். மே 31 காலை 11:15 மணி முதல் 12:00 மணிக்குள் திருக்கல்யாணம், ஜூன் 1ல் தேரோட்டம் நடக்கிறது.