நாகர்கோவில்:  கேவன்புதூர் பெருமாள் சுவாமி தெய்வத்தம்மன் கோவில் கொடை விழா நாளை (18ம் தேதி) தொடங்கி மே 22ம் தேதி வரை நடக்கிறது. முதல் நாள் அதிகாலை கணபதி ஹோமத்துடன் விழா துவங்கி மாலை 6.30க்கு திருவிளக்கு பூஜை , இரவு குடி அழைப்பு நடைபெறும். 2ம் நாள் பால்குடம், சந்தனகுடம், களபகுடம், பன்னீர் குடத்துடன் கும்பத்தில் புனிதநீர் எடுத்து வருதல், மாலை 6.30க்கு சுடலைமாடன் கோவிலில் சிறப்பு பூஜை , தம்புரான் சுவாமிக்கு பூபடைப்பு நடக்கிறது. மூன்றாம் நாள் பொண்ணுள்ளி மாடன் மற்றும் சிவன் அணைந்த பெருமாள் சுவாமிக்கும் சிறப்பு பூப்படைப்பு, மாலை பொங்கல் வழிபாடு, காப்பு கட்டுதல், நான்காம் நாள் தப்பட்டை மேளம், மதியம் 12.30 மணிக்கு பன்றி மாடன், வண்ணார மாடன் சுவாமிகளுக்கு சிறப்பு பூ படைப்பு, சுவாமிகள் ஊர்வலம் வருதல், ஊட்டு படைத்தல் நடைபெறும். ஐந்தாம் நாள் அதிகாலை 4.30 மணிக்கு வாழ்த்து பாடுதலுடன் விழா நிறைவு பெறும்.