சூலூர்: சித்தநாயக்கன் பாளையத்தில் நடந்த மாகாளியம்மன் கோவில் தேரோட்டத்தில் ஏராளமான பக்தர்கள் பங்கேற்று வடம் பிடித்தனர்.

சூலூர் அடுத்த சித்தநாயக்கன் பாளையத்தில் உள்ள ஸ்ரீ மாகாளியம்மன் கோவிலில் வைகாசி திருவிழா கடந்த வாரம் கொடியேற்றத்துடன் துவங்கியது. தினமும் அம்மனுக்கு சிறப்பு அபிஷேக, அலங்கார பூஜைகள் நடந்தன. அம்மை அழைத்தல், மாவிளக்கு எடுத்தல், முளைப்பாரி மற்றும் பூவோடு எடுத்தல் உள்ளிட்ட பூஜைகள் நடந்தன. சுற்றுவட்டார கிராமங்களை சேர்ந்த பெண்கள் பொங்கல் வைத்து நேர்த்திக்கடன் செலுத்தினர். நேற்று முன் தினம் மாலை, அம்மன் திருத்தேருக்கு எழுந்தருளினார். ஏராளமான பக்தர், ஓம் சக்தி... பராசக்தி கோஷத்துடன் தேரை வடம் பிடித்து இழுத்தனர். தேர் திருவிழாவில், ஏராளமான பக்தர்கள் பங்கேற்று வழிபட்டனர். விழா ஏற்பாடுகளை கோவில் கமிட்டியினரும், ஊர் மக்களும் செய்திருந்தனர்.