பாலமேடு: பாலமேடு அருகே 66,எம்.உசிலம்பட்டியில் வளநாட்டு முத்தையா சுவாமி, சின்னம்மாள் சுவாமி, சின்ன கருப்புசாமி, ஆண்டிச்சாமி கோயில் புரவி எடுப்பு உற்ஸவ விழா 23 ஆண்டுகளுக்கு பின் நடந்தது. முதல் நாள் சுவாமி, அம்மனுக்கு புனித நீர் எடுத்து வந்து அபிஷேகம், ஆராதனைகள் செய்தனர். 2ம் நாள் நெல் குத்துதல் நிகழ்ச்சியை தொடர்ந்து வானவேடிக்கை மேளதாளத்துடன் கண் திறக்கும் இடத்திற்கு குதிரை துரக்கி வந்தனர். அன்றிரவு சுவாமி கண் திறக்கப்பட்டு, கிடா வெட்டி வழிபட்டனர். 3ம் நாள் சுவாமி மற்றும் குதிரைகளை கிராமத்தில் இருந்து வயல்வெளிகள் வழியாக அழகர்கோயில் மலைக்கு தோள் சுமையாக துரக்கிச் சென்று இறக்கினர். பக்தர்களுக்கு அன்னதானம் வழங்கப்பட்டது. ஏற்பாடுகளை முத்தையா சுவாமி கோயில் பூசாரி மற்றும் கிராம மக்கள் செய்திருந்தனர்.