சோழவந்தான்: சோழவந்தான் ஜெனகை மாரியம்மன் கோயிலில் வைகாசி 17 நாள் திருவிழாவை முன்னிட்டு இன்று தேரோட்டம் நடந்தது. இதில் அம்மன் எழுந்தருளி நான்கு ரத வீதியில் வலம் வந்து பக்தர்களுக்கு அருள்பாலித்தார். எம்.எல்.ஏ., வெங்கடேசன், இணை ஆணையர் செல்லத்துரை, எஸ்.பி., சிவபிரசாத், டி.எஸ்.பி., பாலசுந்தரம், இன்ஸ்பெக்டர் சிவபாலன், சேர்மன் ஜெயராமன் ஆகியோர் வடம் பிடித்து விழாவை துவக்கினர். இவ்விழா போலீசார் குடும்பத்தின் சார்பில் நடத்தப்பட்டது. இவ்விழாவில் சிறுவர், சிறுமிகள் உட்பட பக்தர்கள் ஏராளமானோர் கரும்புள்ளி செம்புள்ளி இட்டு ஓம்சக்தி பராசக்தி கோஷத்துடன் வலம் வந்தனர். தேர் நான்கு ரத வீதியுலா வந்து சன்னதி வீதியில் நிலையானது. நாளை (ஜூன்.7) இரவு தீர்த்தவாரி மற்றும் கொடியிறக்கத்துடன் விழா நிறைவு பெறுகிறது. நிர்வாக அலுவலர் இளமதி உட்பட பணியாளர்கள் ஏற்பாடுகளைச் செய்திருந்தனர். பக்தர்களுக்கு தன்னார்வலர்கள் பலர் நீர்மோர், அன்னதானம் வழங்கினர்.