மேட்டுப்பாளையம்: நாகலிங்கேஸ்வரர் துர்க்கை அம்மன் கோவிலில், தம்பதி சமேத மஹா ம்ருத்யுஞ்ஜய ஹோமம் நடந்தது. சிறுமுகை அடுத்த ஆலாங்கொம்பில், நாகலிங்கேஸ்வரர் துர்க்கை அம்மன் கோவில் உள்ளது. இக்கோவிலில் தம்பதி சமேத மஹா ம்ருத்யுஞ்ஜய ஹோம யாக வேள்வி பூஜை நடந்தது. கணவன் மனைவி தீர்க்க ஆயுளோடு வாழ்ந்திடவும், மனைவி தீர்க்க சுமங்கலியாக வாழ்ந்திடவும், சகல தோஷங்களும் நீக்கி, ஒற்றுமையுடன் சவுபாக்கியத்தை தர, இந்த ஹோமத்தில் சிறப்பு பூஜை செய்யப்பட்டது. இந்த பூஜையில் ஏராளமான தம்பதியர், பக்தர்கள் பங்கேற்றனர். இதற்கான ஏற்பாடுகளை கோவில் அர்ச்சகர் நாகர் உதயகுமார், துர்க்கை அம்மன் மகளிர் குழுவினர், கோவில் நிர்வாகத்தினர், ஊர் பொதுமக்கள் ஆகியோர் செய்திருந்தனர்.