காஞ்சிபுரம் :காஞ்சிபுரம் மாவட்டம் ஸ்ரீபெரும்புதூர் அருகே தண்டலத்தில் உள்ள விஸ்வரூப பாலமுருகனுக்கு 2000 லிட்டர் பாலாபிஷேகம் நடைபெற்றது.

காஞ்சிபுரம் மாவட்டம் ஸ்ரீபெரும்புதூர் அருகே தண்டலத்தில் 180 டன் எடையில் 40 அடி உயரம் கொண்ட விஷ்வரூப பாலமுருகன் கோயில் உள்ளது. இக்கோயிலில் ஆண்டுதோறும் வருஷாபிஷேகத்தை முன்னிட்டு பால் அபிஷேகம் சிறப்பாக நடைபெற்று வருகிறது. இந்தாண்டு விழா ரத்தினகிரி பாலமுருகனடிமை சுவாமிகள் முன்னிலையில் நடைபெற்றது. விழானை முன்னிட்டு சிறப்பு யாக பூஜைகள், ஆராதனை நடைபெற்றன. தொடர்ந்து ஏராளமான பெண்கள் பால்குடம் எடுத்து வந்து முருகனுக்கு பாலாபிஷேகம் செய்தனர். இந்த பிரமாண்ட பாலமுருகனுக்கு நடைபெற்ற பாலாபிஷேகத்தை அரோகரா கோஷம் முழங்க ஏராளமான பக்தர்கள் பரவசத்துடன் தரிசனம் செய்தனர்.