ஆர்.எஸ்.மங்கலம்: பக்ரீத் பண்டிகையை முன்னிட்டு, ஆர்.எஸ். மங்கலத்தில், ஜமாத்தார்கள் ஜும்மா மசூதியில் இருந்து பெரிய கண்மாய் பாலம் அருகில் உள்ள ஈத்கா மைதானத்திற்கு காலை 7:00 மணிக்கு ஊர்வலமாக சென்றனர். தொடர்ந்து காலை 7:30 மணிக்கு பக்ரீத் சிறப்பு தொழுகையில் ஈடுபட்ட இஸ்லாமியர்கள், தொடர்ந்து மீண்டும் ஊர்வலமாக ஜும்மா பள்ளியை அடைந்தனர். பின்பு குருபானி கொடுக்கப்பட்டன. ஏராளமான ஏழைகளுக்கு இஸ்லாமியர்கள் குர்பானி கொடுத்தும், நிதிஉதவி கொடுத்தும் பக்ரீத் பண்டிகையை கொண்டாடி மகிழ்ந்தனர். ஆர்.எஸ்.மங்கலம் தவ்ஹீத் ஜமாத் சார்பில், ஆசாத் தெரு, தவ்ஹீத் மைதானத்தில் பக்ரீத் சிறப்பு தொழுகை நடைபெற்றது. மைதானத்திற்கு ஊர்வலமாக வந்த இஸ்லாமியர்கள், இமாம் அப்சல் தலைமையில், காலை 7:00 மணிக்கு சிறப்பு தொழுகையில் ஈடுபட்டனர். தொடர்ந்து ஏழைகளுக்கு குருபானி மற்றும் நிதி உதவி கொடுத்து தங்களது மகிழ்ச்சியை வெளிப்படுத்தினர். இதே போன்று தேவிபட்டினம், சித்தார்கோட்டை, பனைக்குளம், சோழந்தூர், திருப்பாலைக்குடி, ஆனந்தூர், ராதானூர் உள்ளிட்ட சுற்றுப்புற பகுதிகளிலும், இஸ்லாமியர்கள் பக்ரீத் சிறப்பு தொழுகையில் ஈடுபட்டனர்.