திருச்சி:  ஸ்ரீரங்கம் ரெங்கநாதர் கோவிலின் உபகோவிலான காட்டழகிய சிங்கர் கோவிலில் ஆனி மாதம் சுவாதி நட்சத்திரத்தை முன்னிட்டு லட்சுமி நரசிம்மருக்கு ஆனி திருமஞ்சனம் நடைபெற்றது. ஸ்ரீரங்கம் ரெங்கநாதர் கோவிலின் உபகோவிலான காட்டழகிய சிங்கர் கோவிலில் ஆண்டுதோறும் ஆனி மாதம் சுவாதி நட்சத்திரத்தில் லட்சுமி நரசிம்மருக்கு ஆனி திருமஞ்சனம் வெகு சிறப்பாக நடைபெறும். நேற்று ஆனி சுவாதி நட்சத்திரத்தை முன்னிட்டு, லட்சுமி நரசிம்மருக்கு ஆனி திருமஞ்சனம் நடைபெற்றது. இதற்காக கொள்ளிடம் ஆற்றில் இருந்து யானையில் வெள்ளிக்குடத்தில் புனிதநீர் எடுத்து, ஊர்வலமாக கோவிலுக்கு கொண்டுவந்தனர். பின்னர் புனிதநீர் மூலம் காலை லட்சுமி நரசிம்மருக்கு திருமஞ்சனம் நடைபெற்றது. ஏராளமான பக்தர்கள் தரிசனம் செய்தனர்.

விசேஷமாகப் போற்றப்பட கூடிய நரசிம்ம ஸ்தலங்கள் காட்டழகிய சிங்கபெருமாள், ஆற்றழகிய சிங்கப்பெருமாள், மேட்டழகிய சிங்கப் பெருமாள் ஆக மூன்று ஸ்தலங்களில் மிகவும் விசேஷமாக போற்றக்கூடிய ஸ்தலம் ஆகும். மேட்டழகிய சிங்கர் தாயார் சந்நிதி அருகில் நரசிம்மருக்கு திருமஞ்சனம் நடைபெற்றது. ஏராளமான பக்தர்கள் தரிசனம் செய்தனர்.