அவிநாசி; அவிநாசி ஸ்ரீ கருணாம்பிகை உடனமர் லிங்கேஸ்வரர் கோவிலில் ஆடி கிருத்திகை விழா நடைபெற்றது. ஆடி கிருத்திகையை முன்னிட்டு வெள்ளி மயில் வாகனத்தில் முருகப்பெருமான் காட்சியளித்தார். அவிநாசி ஸ்ரீ முருகன் கிருத்திகை கமிட்டி சார்பில், நேற்று ஆடி கிருத்திகை 71ம் ஆண்டு விழாவை முன்னிட்டு காலையில் பால்குடம் எடுக்கப்பட்டது. அதன் பின்னர், வள்ளி தெய்வானையுடனான ஸ்ரீ கல்யாண சுப்பிரமணியருக்கு பால், இளநீர், சந்தானம்,தேன் உள்ளிட்ட 16 திரவியங்கள் கொண்டு சிறப்பு அபிஷேகம், அலங்கார பூஜை மற்றும் தீபாராதனையும் நடைபெற்றது. இதனையடுத்து, மாலையில் வண்ண மின் விளக்குகளால் அலங்கரிக்கப்பட்ட தேரில், வெள்ளி மயில் வாகனத்தில் அரோகரா கோஷத்துடன் முருகப்பெருமான் நான்கு ரத விதிகளிலும் வலம் வந்து பக்தர்களுக்கு காட்சியளித்தார்.