சூலூர்: ஆடி அமாவாசையை ஒட்டி சூலூர் மற்றும் சுற்றுவட்டார கோவில்களில் சிறப்பு அபிஷேக அலங்கார பூஜைகள் நடந்தன.

ஆடி அமாவாசையை ஒட்டி, சூலூர் மற்றும் சுற்றுவட்டார கோவில்களில் சிறப்பு அபிஷேக, அலங்கார பூஜைகள் நேற்று நடந்தன. சூலூரில் தேவர் சமுதாயத்தின் குல தெய்வ கோவில்களில், ஆடி மாதம் முடிவதை ஒட்டி சிறப்பு அபிஷேக, அலங்கார பூஜைகள் நடந்தன. எம்.ஜி.ஆர்., நகர் காமாட்சி அம்மன், எழுவக்கரி அம்மன், தொட்டிச்சி அம்மன் கோவில்களில் சிறப்பு பூஜைகள் நடந்தன. பக்தர்கள் பொங்கல் வைத்து நேர்த்திக்கடன் செலுத்தினர். குமாரபாளையம் வீரமாத்தி அம்மன் கோவிலில் அபிஷேக பூஜை நடந்தது. சிறப்பு அலங்காரத்தில் அம்மன் அருள்பாலித்தார். சூலூர் சுற்றுவட்டார அனைத்து கோவில்களிலும் நடந்த பூஜையில் ஏராளமான பக்தர்கள் பங்கேற்று வழிபட்டனர்.