வடவள்ளி: வடவள்ளியில், தமிழ்நாடு பிராமணர் சங்கம் சார்பில், ஆவணி அவிட்டத்தை முன்னிட்டு, ரிக் உபாகர்மா பூணூல் மாற்றும் விழா நடந்தது.

தமிழ்நாடு பிராமணர் சங்கம் சார்பில், ஆவணி அவிட்டத்தை முன்னிட்டு, ரிக் உபாகர்மா என்னும் பூணூல் மாற்றுவதற்கான விழா, வடவள்ளி தாம்ப்ராஸ் கட்டடத்தில் இன்று நடந்தது. இதில், புரோகிதர் சுரேஷ் ஷர்மா, பூணூல் மாற்றுவதற்கான யாகங்களை நடத்தினார். உலக நலன், சமுதாய முன்னேற்றம், குடும்ப வளர்ச்சி உள்ளிட்டவைகளுக்காக பிரார்த்தனை செய்து, ஏராளமானோர் புதிய பூணூல் மாற்றினர். இதுகுறித்து தமிழ்நாடு பிராமணர் சங்க வடவள்ளி கிளை தலைவர் சங்கரன் கூறுகையில்," ரிக், யஜுர், சாம வேதங்கள் அடிப்படையில், பூணூல் மாற்றும் விழா நடத்தப்படுகிறது. ஆக., 29ம் தேதி, ரிக் உபாகர்மா நடந்தது. நாளை (ஆக.,30) ஆவணி அவிட்டம் யஜுர் உபாகர்மா நடக்க உள்ளது. வரும் செப்டம்பர் 16ம் தேதி, சாம உபாகர்மா நடக்க உள்ளது,"என்றார்.