சூரியனை ஆய்வு செய்ய, ஆதித்யா எல் 1 என்ற விண்கலம் முற்றிலும் உள்நாட்டிலேயே வடிவமைக்கப்பட்டுள்ளது. பெங்களூரில் உள்ள வான் இயற்பியல் ஆராய்ச்சி மையம், புனேயில் உள்ள வானியல் ஆராய்ச்சி மையம் ஆகியவை, இந்த விண்கல வடிவமைப்பில் முக்கிய பங்காற்றியுள்ளன. ஆந்திரா மாநிலம் ஸ்ரீஹரிகோட்டாவில் இருந்து செப்.,2ல் காலை 11:50 மணிக்கு, சூரியனை ஆய்வு செய்ய ஆதித்யா எல்1 விண்கலம் பாய உள்ளது. நேற்று அதன் புகைப்படங்களை இஸ்ரோ வெளியிட்டது. விண்ணில் பாய ஆதித்யா எல்-1-ன் தயார் நிலையில் உள்ளது. அதற்கான கவுன்ட்டவுன் இன்று(செப்.,1) துவங்க உள்ளது. நாளை பாயும் ஆதித்யா எல்1 விண்கலம் வெற்றி அடைய திருப்பதி ஏழுமலையான் கோயிலில் இஸ்ரோ இயக்குனர்கள் சிறப்பு பூஜை செய்து வழிபட்டனர்.