அவிநாசி: அவிநாசி அடுத்த வலையபாளையத்தில் எழுந்தருளியுள்ள கரிய காளியம்மன், மாகாளியம்மன் உள்ளிட்ட பரிவார மூர்த்திகளுக்கு கும்பாபிஷேகம் நடைபெற்றது.

அவிநாசி வட்டம், சின்னேரிபாளையம் ஊராட்சிக்குட்பட்ட வலையபாளையத்தில் எழுந்தருளியுள்ள கரிய காளியம்மன், மாகாளியம்மன் உள்ளிட்ட பரிவார மூர்த்திகளுக்கு, மஹா கும்பாபிஷேகம் நடைபெற்றது. முன்னதாக,அவிநாசி லிங்கேஸ்வரர் கோவிலில் இருந்து தீர்த்த குடம் மற்றும் கரகம் எடுத்து நூற்றுக்கும் மேற்பட்ட பெண்கள் ஊர்வலமாக சென்றனர். கும்பாபிஷேகத்தில் முதல் மற்றும் இரண்டாம் கால யாக வேள்வியில் விக்னேஸ்வர பூஜை, கோ பூஜை, மகாலட்சுமி மற்றும் மூல மந்திர ஹோமம், நாடி சந்தனம், யாத்திராதானம் ஆகிய நிகழ்சிகளை தொடர்ந்து கரிய காளியம்மன், மாகாளியம்மன் உள்ளிட்ட பரிவார மூர்த்திகளுக்கு மஹா கும்பாபிஷேகம் நடைபெற்றது. அதனைத் தொடர்ந்து தசதானம், அலங்காரம், தீபாராதனை உள்ளிட்ட நிகழ்ச்சிகள் நடைபெற்றது. கும்பாபிஷேக விழாவை முன்னிட்டு வலையபாளையம் ஊர் பொதுமக்கள் சார்பில் பக்தர்களுக்கு அன்னதானம் வழங்கப்பட்டது. விழாவில் ஏராளமான பக்தர்கள் கலந்து கொண்டனர்.