அருப்புக்கோட்டை: அருப்புக்கோட்டையில் அருகே பாலையம்பட்டியில் வேணுகோபாலசாமி கோயில் உள்ளது. நேற்று முன்தினம் கிருஷ்ண ஜெயந்தியை முன்னிட்டு சிறப்பு அபிஷேக ஆராதனைகள் நடந்தது. நேற்று உறியடி திருவிழா நடந்தது. இதில் மேல தாளங்களுடன் தலையில் மஞ்சள் நீர் சுமந்து பெண்கள் வீதி உலா சென்றனர். இளைஞர்கள் உறியடி நிகழ்ச்சியில் பங்கேற்றனர். பின்னர் சாமி சிறப்பு அலங்காரத்துடன் வீதி உலா வந்தார். ஏராளமான பொதுமக்கள் கண்டு களித்தனர். ஏற்பாடுகளை கோயில் நிர்வாகத்தினர் செய்தனர்.