திருப்புத்தூர்: திருப்புத்தூர் திருத்தளிநாதர் கோயில் மங்கல பிரதோஷ விழா நடந்தது. குன்றக்குடி ஐந்து கோயில் தேவஸ்தானத்தை சேர்ந்த இக்கோயிலில் பிரதோஷ விழா கொண்டாடப்படும். நேற்று செவ்வாய்க்கிழமை மங்கல பிரதோஷத்தை முன்னிட்டு மாலை 4:00 மணிக்கு ரமேஷ் குருக்கள் தலைமையில் பிரதோஷ் குருக்கள் உள்ளிட்ட சிவாச்சார்யார்கள் பூஜைகள் நடத்தி நந்திதேவருக்கும், மூலவருக்கும் ஏக காலத்தில் அபிஷேக, ஆராதனைகள் நடத்தினர். தொடர்ந்து பிரதோஷ தேவர் சிவகாமி அம்மனுடன் வெள்ளி ரிஷப வாகனத்தில் எழுந்தருளி பக்தர்களுக்கு அருள்பாலித்தார். தொடர்ந்து சிறப்பு தீபாராதனை நடந்து உற்ஸவர் பிரகாரம் வலம் வந்தார்.