ஈரோடு: ‘‘சனாதனத்தை காப்பாற்றுவது என்பது தான், இந்த லோக்சபா தேர்தலில் மைய பொருளாக இருக்கும்,’’ என,  பா.ஜ., தேசிய செயற்குழு உறுப்பினர் ஹெச்.ராஜா கூறினார். ஈரோட்டில், உலக நன்மைக்காக கணபதி, ராஜ மாதங்கி சதுர்லக்‌ஷ  ஜப யாகம் பொதுமக்கள் சார்பில் கடந்த, 24 முதல் நடக்கிறது. நேற்று கஜ பூஜை, கோமாதா பூஜை நடந்தது. இதில் பங்கேற்ற, பா.ஜ., தேசிய செயற்குழு உறுப்பினர் ஹெச்.ராஜா நிருபர்களிடம் கூறியதாவது: பாரத தேசத்தை அதன் கலாசாரம், பண்பாட்டில் இருந்து வெட்டி எடுத்து அன்னிய மத கலாசாரத்தை இணைக்க சதி திட்டம் நடக்கிறது. இந்தியாவிலேயே. தமிழகத்தில் தீய சக்தி அதர்மத்தின் ஆட்சி நடக்கிறது. முதல்வரின் மகன் உதயநிதி, சனாதன ஹிந்து தர்மத்தை அழிப்பேன். டெங்கு, மலேரியா. கொரோனா மாதிரி அழிப்பேன் என்று சொல்கிறார். அறிவார்ந்த ரீதியில் பேசுபவர்களுக்கு பதில் சொல்ல தயார். உதயநிதி, ஆ. ராஜா போன்றவர்களுக்கு பதில் சொல்ல முடியாது. உதயநிதிக்கு எதுவும் தெரியாது. இன்னும், 21 நாட்கள் தான் உள்ளது. அதற்கு பிறகு அவர் இருக்க வேண்டிய இடம் திகார் ஜெயில் என்று நீதிமன்றம் முடிவு செய்யும். இந்த நாட்டை, கலாசாரத்தை காப்பாற்ற வேண்டுமென்றால் சனாதனத்தை காப்பாற்ற வேண்டும். சனாதனத்தை காப்பாற்றுவது என்பது தான். என்றார்.