பழநி: பழநி முருகன் கோயிலில் உண்டியல் காணிக்கையாக ரூ.5.09 கோடி கிடைத்தது. பழநி முருகன் கோயிலில் செப். 26,27 ல்‌ உண்டியல் எண்ணிக்கை நடைபெற்றது. இதில் (செப்.27) நேற்று காணிக்கையாக 349 கிராம் தங்கம், 4.935 கிலோ வெள்ளி கிடைத்தது. மேலும் ரூ. 2 கோடியே 23 லட்சத்து 26 ஆயிரத்து 567, மற்றும் 465 வெளிநாட்டு கரன்சிகள் காணிக்கையாக கிடைத்துள்ளது. செப்.,26,27 ல்‌ உண்டியல் காணிக்கையாக 1.419 கிலோ தங்கம், 18.185 கிலோ வெள்ளி கிடைத்தது. மேலும் ரூ.5 கோடியே 9 லட்சத்து 13 ஆயிரத்து 830, மற்றும் 1366 வெளிநாட்டு கரன்சிகள் காணிக்கையாக கிடைத்துள்ளது. உண்டியல் எண்ணிக்கையில் கோயில் இணை ஆணையர் மாரிமுத்து, அலுவலர்கள், பணியாளர்கள், ஊழியர்கள், கல்லூரி மாணவ, மாணவிகள், ஆசிரியர்கள் உட்பட பலர் கலந்து கொண்டனர்.