வாஷிங்டன்; 4வது உலக கலாச்சார விழா நேற்று (செப்., 29ல்) வாஷிங்டனில் துவங்கியது.  அக்டோபர் 1ம் தேதி வரை நடைபெற உள்ளது என்று வாழும் கலை அமைப்பு தெரிவித்துள்ளது.

உலக மக்களின் பன்முகத்தன்மை, ஒற்றுமையின் மறக்க முடியாத கொண்டாட்டமான உலக கலாச்சார விழா செப்டம்பர் 29ம் தேதி முதல் அக்டோபர் 1-ம் தேதி வரை வாஷிங்டனில் வாழும் கலை அமைப்பு நடத்துகிறது. இந்த நிகழ்ச்சியில் 17,000 கலைஞர்கள், பல நாட்டுத் தலைவர்கள் மற்றும் 100 நாடுகளைசேர்ந்த சிந்தனைத் தலைவர்கள் பங்கேற்கின்றனர். இந்த கலாச்சார நிகழ்வில் 10 லட்சம் லட்சம் மக்கள் பங்கேற்றுள்ளனர். இந்த நிகழ்வில் 1,000 சீனப் பாடகர்கள் மற்றும் நடனக் கலைஞர்கள் உட்பட 50க்கும் மேற்பட்ட நிகழ்ச்சிகள் இடம்பெற்றுள்ளன; 10,000 கர்பா நடனக் கலைஞர்கள்; 100 உக்ரேனிய கலைஞர்கள்; 100 ஆப்கானி சூஃபி கலைஞர்கள் மற்றும் 1,000 கிதார் கலைஞர்களும் பங்கேற்றுள்ளனர்.

நேற்று வாஷிங்டனில் உள்ள நேஷனல் மாலில் துவங்கிய விழாவில் ஸ்ரீ ஸ்ரீ ரவிசங்கர் கூறியதாவது; உலக கலாச்சார விழா என்பது தியானம், இசை மற்றும் உணவு பற்றியது. இந்த நிகழ்வின் மூலம் 180 நாடுகளைச் சேர்ந்த மக்களை "ஒரே உலக குடும்பம்" என்ற பதாகையின் கீழ் ஒன்றிணைப்பதன் மூலம் எல்லைகள், மதம் மற்றும் இனம் ஆகியவற்றின் பிளவுகள் குறைகிறது என்றார். இந்த நிகழ்வில் உலகெங்கிலும் உள்ள உணவு வகைகளும் இடம்பெற்றுள்ளது. வளர்ந்து வரும் கலைஞர்கள் தங்கள் திறமைகளை வெளிக்கொணர ஒரு சிறந்த தளமாக இந்த விழா தனித்துவப்படுத்துகிறது. இந்நிகழ்வில் சிறப்பு விருந்தினர்களாக, ஐக்கிய நாடுகள் சபையின் 8-வது பொதுச் செயலாளர் பான் கீ மூன், இந்திய வெளியுறவுத்துறை அமைச்சர் எஸ்.ஜெய்சங்கர், அமெரிக்க சர்ஜன் ஜெனரல் டாக்டர் விவேக் மூர்த்தி, அமெரிக்க செனட்டர் ரிக் ஸ்காட், நான்சி பெலோசி,இந்திய முன்னாள் குடியரசுத் தலைவர் ராம்நாத் கோவிந்த் மற்றும் கிருஷ்ணகோமேரி மாதோரா, பாதுகாப்பு அமைச்சர், சுரினாம் ஆகியோர் கலந்து கொள்கின்றனர்.

நிகழ்வை நேரலையில் பார்க்க; https://www.youtube.com/watch?v=6prcqMHjgGM

https://www.youtube.com/watch?v=pmGunaop1DE