திருக்கோவிலூர்: திருக்கோவிலூர், வீரட்டானேஸ்வரர் கோவிலில் ராகு கேது பெயர்ச்சியை முன்னிட்டு சிறப்பு வழிபாடு நடந்தது.

ராகு கேது பெயர்ச்சியை முன்னிட்டு திருக்கோவிலூர், கீழையூர் வீரட்டானேஸ்வரர் கோவிலில் காலை 6:00 மணிக்கு மூலமூர்த்திகளுக்கு அபிஷேகம் நடந்தது. மாலை 3:40 மணிக்கு ராகு, துலாம் ராசியில் இருந்து கன்னி ராசிக்கும், கேது, மேஷ ராசியில் இருந்து மீன ராசிக்கும் இடம்பெயர்வதை குறிக்கும் வகையில், நவகிரக சன்னதியில் சிறப்பு அபிஷேகம், அலங்காரம், மகாதீப ஆராதனை, பிரசாத விநியோகம் செய்யப்பட்டது. இதில் ஏராளமான பக்தர்கள் கலந்து கொண்டனர்.