சூலூர்: புரட்டாசி சனிக்கிழமையை ஒட்டி, பெருமாள் கோவில்களில் நடந்த சிறப்பு பூஜைகளில் ஏராளமான பக்தர்கள் பங்கேற்று வழிபட்டனர்.

சூலூர் ரயில்வே பீடர் ரோட்டில் உள்ள ஸ்ரீ தேவி பூதேவி சமேத ஸ்ரீ வேங்கட நாத பெருமாள் கோவில் உள்ளது. இங்கு, புரட்டாசி சனிக்கிழமை ஒட்டி, நேற்று முன் தினம், மூலவருக்கும், உற்சவருக்கும் சிறப்பு திருமஞ்சனம் நடந்தது. இதில், ஏராளமான பக்தர்கள் பங்கேற்று வழிபட்டனர். தொடர்ந்து அன்னதானம் நடந்தது. இதேபோல், கருமத்தம்பட்டி கரியமாணிக்க பெருமாள் கோவில், கலங்கல் பெருமாள் கோவில், கள்ளப்பாளையம் ஸ்ரீனிவாச பெருமாள் கோவில் உள்ளிட்ட பெருமாள் கோவில்களில் சிறப்பு அபிஷேக, அலங்கார பூஜைகள் நடந்தன. அப்பநாயக்கன்பட்டி பஜனை கோவிலில் சனிக்கிழமை பஜனை உற்சாகமாக நடந்தது. சுற்றுவட்டாரத்தை சேர்ந்த கிராம மக்கள், பெருமாளை தரிசித்து நேர்த்திக்கடன் செலுத்தினர்.