திருக்கோவிலூர்: திருக்கோவிலூர் என்.ஜி.ஜி.ஓ., நகர், ராகவேந்திரர் கோவிலில் நவராத்திரி விழாவை முன்னிட்டு மாணவிகளின் பரதநாட்டியம் நடந்தது.

திருக்கோவிலூர் என்.ஜி.ஜி.ஓ., நகர், ராகவேந்திரர் கோவிலில் நவரா திருவிழாவின் 6ம் நாளான நேற்று மாலை 6:00 மணிக்கு ராகவேந்திரர், ஆஞ்சநேயருக்கு சிறப்பு வழிபாடு நடந்தது. இரவு 8:00 மணிக்கு கொலு மண்டபத்தில் ஸ்ரீ தகதிமிதா நாட்டியாஞ்சலி நாட்டிய பள்ளி மாணவிகளின் பரதநாட்டியம் நடந்தது. விசாலாட்சிபொன்முடி சிறப்பு விருந்தினராக கலந்து கொண்டு நாட்டிய மாணவிகளுக்கு பரிசுகளை வழங்கினார். இதில் பக்தர்கள் பலரும் கலந்து கொண்டனர். 9:00 மணிக்கு அம்பிகைக்கு மகா தீபாராதனை, பக்தர்களுக்கு பிரசாதம் விநியோகிக்கப்பட்டது. கோவில் நிர்வாகி கோபி நிகழ்ச்சிக்கான ஏற்பாடுகளை செய்திருந்தார்.