சிங்கம்புணரி: சிங்கம்புணரி பகுதி சிவன் கோயில்களில் ஐப்பசி மாத பவுர்ணமியை முன்னிட்டு அன்னாபிஷேக விழா நடந்தது. சிவபுரிபட்டி சுயம்பிரகாச ஈஸ்வரர் கோயிலில் காலை 9:30 மணிக்கு மூலவருக்கு பல்வேறு வகையான அபிஷேகங்கள் செய்யப்பட்டு வழிபாடு நடத்தப்பட்டது. அன்னம் காய்கறிகளால் அலங்காரம் செய்யப்பட்டு சிறப்பு பூஜை நடந்தது. தொடர்ந்து பக்தர்களுக்கு அன்னதானம் வழங்கப்பட்டது. இதேபோல் பிரான்மலை திருக்கொடுங்குன்றநாதர் கோயிலிலும் அன்னாபிஷேகம் நடந்தது. அன்னாபிஷேக வழிபாட்டு குழு சார்பில் பக்தர்களுக்கு அன்னதானம் வழங்கப்பட்டது. ஏராளமான பக்தர்கள் பங்கேற்றனர். கரிசல்பட்டி கமலாமாம்பிகா சமேத கைலாசநாதர் கோயிலிலும் அன்னாபிஷேக சிறப்பு வழிபாடு நடந்தது.