போடி: தீபாவளி பண்டிகையை முன்னிட்டு போடி சீனிவாசப் பெருமாள் கோயிலில் ஸ்ரீதேவி, பூதேவியுடன் சிறப்பு அலங்காரத்தில் பெருமாளுக்கு சிறப்பு பூஜை, அபிஷேகம், தீபாராதனைகள் நடந்தது. ஏராளமான பக்தர்கள் கலந்து கொண்டு பெருமாளின் தரிசனம் பெற்றனர். சுவாமி அலங்காரத்தினை கார்த்திக் பட்டாச்சாரியர் செய்திருந்தார்.

* போடி அருகே பிச்சாங்கரை மலைப் பகுதியில் அமைந்துள்ள கீழச் சொக்கநாதர், மேலச்சொக்கநாதர் கோயில், போடி பரமசிவன் கோயில், கொண்டரங்கி மல்லைய சுவாமி கோயில், திருமலாபுரம் முத்துமாரியம்மன் கோயில், வினோபாஜி காலனி மீனாட்சி சுந்தரேஸ்வரர் கோயில், விசுவாசபுரம் பத்திரகாளியம்மன் கோயிலில் சிவனுக்கு சிறப்பு பூஜை, அபிஷேகம், தீபாராதனைகள் நடந்தது. சுப்பிரமணியர் கோயில் முருகனுக்கு சிறப்பு பூஜை, அபிஷேகம், ஆராதனைகள் நடந்தது.

* தீபாவளி கொண்டாட்டம் : தீபாவளி பண்டிகையை முன்னிட்டு நேற்று முன் தினம் இரவு தீபாவளியை வரவேற்க்கும் வகையில் போடி முந்தல் ரோட்டில் உள்ள கிரீன் ராயல் ஓட்டல் ஆண்டு ரிசார்ட்சில் வான வெடியுடன் மக்கள் பட்டாசு வெடித்தும், இனிப்புகள் வழங்கி கொண்டாடினர். ஏராளமானோர் கலந்து கொண்டு தீபாவளி வாழ்த்துக்கள் பகிர்ந்து கொண்டனர்.