தமிழகத்தில் உள்ள வித்தியாசமான சாஸ்தா கோயில்கள் (தமிழக ஐயப்பன் கோயில்கள்) பற்றிய தகவல் இப்பகுதியில் இடம் பெறுகிறது.

கோயம்புத்துார் குறிச்சி குளம் கரையருகே பொள்ளாச்சி மெயின் ரோட்டில் உள்ளது ஹரிஹரபுத்ரஅய்யனார் கோயில். சாத்துாரை பூர்வீகமாககொண்ட மாரியப்பன் என்பவர் சிறுவயதில் இருந்தே தெய்வபக்தி உடையவர். தொழில் நிமித்தமாக இங்கு வந்தஇவருக்கு உண்மைஞானம் ஏற்படவேமக்களுக்கு தேவையான தொண்டுகளை செய்தார். ஒரு நாள் இவரது கனவில், கோயில் எழுப்பி வழிபாடு செய்என சொல்லி மறைந்தார் சாஸ்தா. பின்னர் அவரும் கோயில் கட்ட பல ஊர்களுக்கு சென்று இடம் தேடிய போது இடம் தேர்வாகவில்லை. இப்பகுதிக்கு வந்தஅவர் இங்கு கோயில் கொண்டுள்ள காளியம்மனிடம் தன் கோரிக்கையை விண்ணப்பித்தார். அன்றே‘என் அருகில் இடமுள்ளதே’ என்று உத்தரவு கொடுத்தாள். அதன்படி அவரால் உருவாக்கப்பட்ட கோயில் தான் இது. கருவறையில் பூர்ணாபுஷ்கலையுடன் ஹரிஹரபுத்திர தர்மசாஸ்தா மூவருமே கையில் நீலோத்பவ மலர் ஏந்தி அருள்பாலிக்கிறார்.