திருக்கோவிலூர்: திருக்கோவிலூர் உலகளந்த பெருமாள் கோவில் கைசிக ஏகாதசியை முன்னிட்டு ஜீயர் சுவாமிகள் கைசீக புராணம் வாசிக்கும் வைபவம் நடந்தது.

திருக்கோவிலூர் உலகளந்த பெருமாள் கோவிலில், கைசிக ஏகாதசியை முன்னிட்டு காலை 5:30 மணிக்கு விஸ்வரூப தரிசனம், 8:00 மணிக்கு பஞ்ச சம்ஸ்காரம், 9:30 மணிக்கு பக்தர்களுக்கு சமாஸ்ரயணம் செய்து வைக்கும் வைபவம் நடந்தது. பகல் 11:00 மணிக்கு ஸ்ரீதேவி பூதேவி சமேத தேகளீச பெருமாள், உடையவர், மணவாள மாமுனிகள் பாண்டிய மண்டபத்தில் எழுந்தருளி விசேஷ அலங்கார திருமஞ்சனம் நடந்தது. மாலை 6:00 மணிக்கு ஸ்ரீதேவி பூதேவி சமேத தேகளீசபெருமாள் பெரிய சேஷ வாகனத்தில் எழுந்தருளி வீதி உலா நடந்தது. நாளை துவாதசியை முன்னிட்டு அதிகாலை 3:30 மணிக்கு நடை திறக்கப்பட்டு, மூலவர் விஸ்வரூப தரிசனம், 4:30 மணிக்கு ஸ்ரீதேவி பூதேவி சமேத தேகளீசபெருமாள் பாண்டிய மண்டபத்தில் எழுந்தருளி விசேஷ பூஜைகள், ஜீயர் ஸ்ரீ தேகளீச ராமானுஜாச்சாரியார் கைசிக புராணம் வாசித்தல். தொடர்ந்து 9:00 மணிக்கு பிரம்ம ரதத்தில் ஜீயர் எழுந்தருளி வீதி உலா நடக்கிறது.