பந்தலூர்; பந்தலூர் அருகே உப்பட்டி செந்தூர் முருகன் திருக்கோவிலில், திருவிளக்கு பூஜை நடந்தது. கோவில் கமிட்டி தலைவர் செந்தில்வேல் துவக்கி வைத்தார். பூஜைகளை கோவில் அர்ச்சகர் சுந்தர்ராசா நடத்தி துவக்கி வைத்தார். தொடர்ந்து குழுவின் ஒருங்கிணைப்பாளர் சுமலதா தலைமையில், திருவிளக்கு பூஜை நடத்தப்பட்டது. இதில் குடும்பம் வளம் பெறவும், குடும்பத்தில் ஒற்றுமை மேம்படவும், உலகம் அமைதி பெற்று, நோயின்றி வாழவும் வலியுறுத்தி மந்திரங்கள் கூறப்பட்டது. மேலும் பெண்கள் தங்கள் வீடுகளில் தினந்தோறும் திருவிளக்கு ஏற்றி தியானித்து மனதை ஒருநிலைப்படுத்தி பூஜை செய்தால், தெய்வ அருளுடன் சிறப்பான வாழ்வு கிடைக்கும் என்றும் அறிவுறுத்தப்பட்டது. இந்த பூஜையில் உப்பட்டி சுற்று வட்டார பகுதி பெண்கள் ஆர்வத்துடன் பங்கேற்றனர்.