பழநி; பழநி முருகன் கோயிலில் உண்டியல் காணிக்கையாக ரூ.4.89 கோடி கிடைத்தது.

பழநி முருகன் கோயிலில் உண்டியல் மார்ச்.1, 4ல் எண்ணிக்கை நடைபெற்றது. இரு நாட்கள் எண்ணிக்கையில் காணிக்கையாக 2.147 கிலோ தங்கம், 28.196 கிலோ வெள்ளி கிடைத்தது. மேலும் ரூ. 4 கோடியே 89 லட்சத்து 90 ஆயிரத்து 581 மற்றும் 1608 வெளிநாட்டு கரன்சிகள் காணிக்கையாக கிடைத்துள்ளது. நேற்று (மார்ச்.4) எண்ணிக்கையில் காணிக்கையாக 1.354 கிலோ தங்கம், 16.340 கிலோ வெள்ளி கிடைத்தது. மேலும் ரூ. 2 கோடியே 84 லட்சத்து 84 ஆயிரத்து 317 மற்றும் 1063 வெளிநாட்டு கரன்சிகள் காணிக்கையாக கிடைத்துள்ளது. இன்று (மார்ச் 5) உண்டியல் எண்ணிக்கை நடைபெற உள்ளது. உண்டியல் எண்ணிக்கையில் கோயில் அதிகாரிகள், அலுவலர்கள், பணியாளர்கள், ஊழியர்கள், கல்லூரி மாணவ, மாணவிகள், ஆசிரியர்கள் உட்பட பலர் கலந்து கொண்டனர்.